យោងតាមសាស្ត្រាចារ្យ Kelli Burns អ្នកបង្រៀនខាងផ្នែកទំនាក់ទំនងនៅមហាវិទ្យាល័យ South Florida បានលើកឡើងថា Facebook បានលួចស្ដាប់ការសន្ទនារបស់អ្នកប្រើប្រាស់ទាំងពួកគេមិនបានដឹងខ្លួន។
ដើម្បីបញ្ជាក់ពីការលើកឡើងនេះសាស្ត្រាចារ្យ Burns បានបើកមុខងារមីក្រូហ្វូនលើទូរសព្ទរបស់គាត់ហើយនិយាយថា៖ “ខ្ញុំពិតជាចាប់អារម្មណ៍នឹងដំណើរបរបាញ់សត្វនៅអាហ្វ្រិក។ ខ្ញុំគិតថាវាប្រហែលអស្ចារ្យនៅពេលដែលបានជិះឡាន Jeep នៅទីនោះ”។ មួយនាទីក្រោយមកសាស្ត្រាចារ្យរូបនេះបើកគណនី Facebook របស់នាង ហើយនាងក៏បានប្រទះឃើញរឿងរ៉ាវពាក់ព័ន្ធនឹងដំណើរបរបាញ់សត្វនៅលើ New Feeds របស់នាង។ មិនតែប៉ុណ្ណោះក៏មានផ្ទាំងពាណិជ្ជកម្មអំពីឡាននៅលើគណនីនាងទៀតផង។
ដោយឡែកខាង Facebook បានឆ្លើយតបនឹងបញ្ហានេះថា ខ្លួនមិនបានប្រើមីក្រូហ្វូនដើម្បីលួចស្ដាប់ការសន្ទនាអ្នកប្រើ ដើម្បីជាផលប្រយោជន៍របស់ខ្លួននោះឡើយ។ New Feeds ឬ ផ្ទាំងពាណិជ្ជកម្មបង្ហាញទៅនេះគឺផ្អែកលើចំណូលចិត្តរបស់អ្នកប្រើប្រាស់ និងព័ត៌មានដទៃទៀត ដោយមិនបានផ្អែកលើសំឡេងឡើយ។
ទោះបីអ្នកជឿ ឬមិនជឿនូវការលើកឡើងរបស់ Facebook យ៉ាងណាក្ដី ប៉ុន្តែមានវិធីមួយដែលអាចហាមឃាត់ Facebook ពីការលួចស្ដាប់ការសន្ទនារបស់អ្នកបាន ដោយគ្រាន់តែបិទមុខងារមីក្រូហ្វូន។
@សម្រាប់ iPhone ចូលទៅ Settings → Privacy → Microphone រួចបិតទមុខងារ Microphone លើកម្មវិធី Facebook
@សម្រាប់ Android ចូលទៅ Settings → Application manager → Facebook → Permissions រួចបិទមុខងារ Microphone
0 comments:
Post a Comment