ចង់​ចេះ​បង្កើត​វិបសាយ​ដោយ​ខ្លួន​ឯង​ មិន​គួរ​រំលង​អត្ថបទ​នេះ​ទេ

ប៉ុន្មាន ឆ្នាំ មុន ការ បង្កើត វិបសាយ គឺ ទាមទារ ចំណេះដឹង ច្រើន ទាក់ទង នឹង ជំនាញ វិទ្យាសាស្ត្រ កុំព្យូទ័រ ជា ពិសេស ផ្នែក សរសេរ កូដ។ ប៉ុន្តែ ព្រោះ តែ កំណើន ប្រើប្រាស់ និង ភាព ជឿនលឿន នៃ បច្ចេកវិទ្យា ការ បង្កើត វិបសាយ កាន់ តែ ងាយ ស្រួល និង ពេល ខ្លះ មិន តម្រូវ ឲ្យ មាន ការ សរសេរ កូដ ច្រើន ថែម ទៀត ផង។ ដូច្នេះ ចង់ បង្កើត វិបសាយ ប្រិយមិត្ត អាច ធ្វើ តាម វិធីសាស្រ្ត ខាង ក្រោម នេះ ៖

១) ជ្រើសរើស Platform សម្រាប់ វិបសាយ
ការ បង្ហាញ ខ្លួន របស់ Content Management System (CMS) ដូចជា Wordpress ជាដើម ធ្វើ ឲ្យ វិធី បង្កើត វិបសាយ កាន់ តែ ងាយ ស្រួល។ CMS ជា Platform មួយ ដែល អនុញ្ញាត ឲ្យ អ្នក បង្កើត វិបសាយ និង គ្រប់គ្រង លើ មាតិកា ដោយ មិន ទាមទារ ចំណេះដឹង HTML, CSS ឬ PHP អី នោះ ទេ ។ បច្ចុប្បន្ន មាន Platform បី ដែល ពេញ និយម ក្នុង ការ ប្រើប្រាស់ មាន ដូច ជា Wordpress (50.07%), Drupal (17.07%) និង Joomla (6.44%) ហើយ ក្នុង ចំណោម Platform បី នេះ អ្នក គួរ ពិចារណា ប្រើ Wordpress ព្រោះ ៖

• ប្រើប្រាស់ ឥត គិត ថ្លៃ ហើយ មាន Template ច្រើន សម្រាប់ ជ្រើសរើស
• ងាយស្រួល ប្រើប្រាស់
• វិបសាយ តូច ឬ ធំ អាច ប្រើប្រាស់ platform នេះ បាន
• មាន សមាគម ធំ ដែល ងាយស្រួល ដល់ ការ រក ដំណោះស្រាយ ផ្សេងៗ

ចំពោះ platforms ពីរ ផ្សេង ទៀត ក៏ ល្អ ដែរ ប៉ុន្តែ ចំពោះ អ្នក បង្កើត ដំបូង គួរ ប្រើប្រាស់ Wordpress។
២)  ជ្រើសរើស Domain Name និង Hosting
អ្នក ត្រូវ ទិញ ឈ្មោះ Domain ឬ ឈ្មោះ វិបសាយ ឧទាហរណ៍ abc.com, abc123.org។  បន្ទាប់ មក ត្រូវ ទិញ Hosting ដែល ជា កន្លែង ផ្ទុក វិបសាយ ដើម្បី ភ្ជាប់ ទៅ កាន់ បណ្ដាញ អ៊ីនធឺណិត ។ អ្នក អាច ទិញ តាម ក្រុមហ៊ុន ក្នុង ស្រុក ឬ តាម online ដូចជា GoDaddy ជាដើម។ ឈ្មោះ វិបសាយ ដាក់ តាម ការ ចង់ បាន តែ ធ្វើ យ៉ាង ណា ឲ្យ ងាយ ស្រួល ចងចាំ ឬ ជា Brand។ យ៉ាង ណា មិញ ចំពោះ ឈ្មោះ វិបសាយ វា អាស្រ័យ លើ អ្នក ឈ្មោះ អ្វី ក៏ បាន ដែរ ។

៣) ដំឡើង វិបសាយ សម្រាប់ Wordpress
បន្ទាប់ ពី អ្នក បាន ទិញ Domain name និង រៀបចំ Hosting បាន រួចរាល់ អ្នក អាច ធ្វើ ការ ដំឡើង វិបសាយ របស់ អ្នក បាន។ ជា ធម្មតា ក្រុមហ៊ុន HosTing ភាគ ច្រើន មាន មុខងារ 1-click-installation សម្រាប់ Wordpress ដែល ពិត ងាយស្រួល ក្នុង ការ ដំឡើង ។

• ដំបូង អ្នក Login ចូល Hosting account
• ចូល ទៅ កាន់ Control Panel
• ស្វែងរក  Wordpress ឬ Websites
• ជ្រើសរើស Domain name ដែល អ្នក ចង់ ដំឡើង វិបសាយ
• ចុច Install Now បន្ទាប់ មក អ្នក នឹង ទទួល បាន វិបសាយ លើ Wordpress ថ្មី មួយ ជាមួយ Domain name នោះ ។

ចំណាំ ចំពោះ វិធីសាស្ត្រ ខាងលើ អាច ប្រែប្រួល ឬ ខុស គ្នា មួយ ចំនួន ដោយ អាស្រ័យ លើ កំណែ ទម្រង់ របស់ ប្រព័ន្ធ និង ក្រុមហ៊ុន Hosting ប៉ុន្តែ អ្នក អាច សិក្សា ស្វែងយល់ ពី វិបសាយ ទាំងនោះ បាន ។

• ជ្រើសរើស Template ឬ Theme សម្រាប់ វិបសាយ

សម្រាប់ Wordpress មាន Template ស្រាប់ៗ ច្រើន សម្រាប់ ជ្រើសរើស ទៅ តាម ប្រភេទ ដែល អ្នក ចង់ បាន។ អ្នក ក៏ អាច ទិញ Template ខាង ក្រៅ ដើម្បី ផ្លាស់ប្ដូរ បាន ដែរ។ ម្យ៉ាង វិញ ទៀត ពេល អ្នក ធ្វើការ ផ្លាស់ប្ដូរ Template នីមួយៗ ទិន្នន័យ របស់ អ្នក មិន បាត់បង់ នោះ ទេ ។

របៀប ជ្រើសរើស និង ប្រើប្រាស់ Template របស់ Wordpress

• ចូល ទៅ Dashboard របស់ Wordpress
• ចូល ទៅ កាន់ http://yoursite.com/wp-admin ដែល yoursite.com ជា Domain name ដែល អ្នក បាន ទិញ និង ប្រើប្រាស់ ។
• ស្វែង រក Theme ឥត គិត ថ្លៃ
• ស្វែង រក Menu ឈ្មោះ Appearance -> Themes 
• ជ្រើសរើស Templates ណា មួយ ដែល អ្នក ចូលចិត្ត ។ សម្រាប់ Template ថ្មី អ្នក អាច ចុច Install Now។
• អ្នក អាច ចុច លើ Preview សម្រាប់ ពិនិត្យ មើល វិបសាយ អ្នក យ៉ាងម៉េច ដែរ ជាមួយ Theme នេះ ឬ ចុច លើ Activate ដើម្បី ធ្វើ ផ្លាស់ប្ដូរ Template វិបសាយ អ្នក តែ ម្ដង។
  
  របៀប បន្ថែម Content និង Page ថ្មី
• គ្រប់គ្រង លើ Page

បើ អ្នក ចង់ បង្កើត Page ដូចជា Service ឬ About Us នៅ លើ Wordpress Dashboard ស្វែង រក Pages -> Add New បន្ទាប់ មក បញ្ចូល អក្សរ ឬ រូបភាព សម្រាប់ Page អ្នក ។ បើសិនជា អ្នក ចង់ ភ្ជាប់ Page ណា មួយ ទៅ កាន់ Menu អ្នក ចូល Appearance -> Menus បន្ទាប់ មក បញ្ចូល Page ណា មួយ ទៅកាន់ Menu។

• គ្រប់គ្រង លើ Post

បើសិនជា អ្នក គ្មាន Category ទេ ចូល ទៅ កាន់ Posts -> Categories រួច បញ្ចូល Category ថ្មី បើសិនជា អ្នក ចង់ Posts ចូល ទៅ កាន់ Posts -> Add New បន្ទាប់ មក បញ្ចូល អក្សរ ឬ រូបភាព ផ្សេងៗ រួច ជ្រើសរើស Categories។

• ការ ផ្លាស់ប្ដូរ Page Titles និង Taglines

Page Titles បង្ហាញ ថា តើ វិបសាយ អ្នក ចង់ និយាយ ពី អ្វី ហើយ វា សំខាន់ សម្រាប់  search engine ដូច ជា Google ជា ដើម ក្នុង ការ ស្វែងរក ។ Taglines បង្ហាញ ពី អ្វី ដែល អ្នក ចង់ និយាយ នៅ ចុង បញ្ចប់ នៃ Title។ ដើម្បី ផ្លាស់ប្ដូរ Title និង Tagline ចូល ទៅ កាន់ Setting -> General បន្ទាប់ មក បំពេញ អក្សរ ។

• បិទ Comments លើ Posts និង  Pages

អ្នក អាច បិទ តាម Page ដោយ ពេល អ្នក សរសេរ Page នៅ លើ ជ្រុង ខាងស្ដាំ ស្វែងរក Screen Options -> Discussion បន្ទាប់ ប្រអប់ Allow Comment នឹង បង្ហាញ នៅ ខាងក្រោម រួច អ្នក អាច ដោះ Tick ចេញ ត្រង់ Allow Comment។ អាច បិទ គ្រប់ Page ដោយ ចូល ទៅកាន់ Setting -> Discussion រួច ដោះ Tick ចេញ ត្រង់ Allow people to post comments on new articles។

• ដំឡើង Static front page

Static font page ជា Page ដែល មិន ប្រែប្រួល ចំពោះ ទិន្នន័យ ចុង ក្រោយ ហើយ ដើម្បី ដំឡើង អ្នក អាច ចូល ទៅ កាន់ Settings -> Reading បន្ទាប់ មក ជ្រើសរើស A static page ដែល អ្នក បាន បង្កើត។

• ផ្លាស់ប្ដូរ Sidebar

Sidebar លើ Theme Wordpress ពេល ខ្លះ នៅ ខាងស្ដាំ និង ខ្លះ នៅ ខាងឆ្វេង ។ អ្នក ក៏ អាច ផ្លាស់ប្ដូរ អ្វី ដែល ចង់ បង្ហាញ លើ Sidebar នោះ ដោយ ចូល ទៅ កាន់ Appearance -> Widgets បន្ទាប់ មក អ្នក អាច ទាញ Features ណា មួយ ដាក់ ចូល ប្រអប់ Sidebar បាន ។

• ការ ដំឡើង Plugin លើ  Wordpress

Plugin ជា មុខងារ ផ្សេងៗ សម្រាប់ បន្ថែម សមត្ថភាព លើ វិបសាយ អ្នក ។ ដើម្បី ដំឡើង ចូល ទៅ កាន់ Plugin -> Add New រួច ស្វែងរក Plugin ណា មួយ ដែល អ្នក ត្រូវការ ។ អ្នក គួរ ធ្វើ ការ ស្វែងរក នូវ បណ្ដាល Plugin សំខាន់ៗ លើ Google បន្ថែម ដែល ចំ នឹង អ្វី ដែល អ្នក ត្រូវការ ៕
ចុចអានបន្ត ៖

• យល់ ដឹង ពី របៀប ប្រើ Auto Focus និង Manual Focus
• ទម្លាក់ iOS 11 មាន បញ្ហា ជាប់ គាំង ត្រឹម រូប iTunes នេះ វិធី ដោះស្រាយ

ប្រែសម្រួល ៖ ប៊ុន ធឿន